قصائد غياهيب المكتوبه | اغاني , ارقام هواتف و ارقام سيارات و سيارات مستعملة , تعارف سناب

قصائد غياهيب المكتوبه

قصائد غياهيب المكتوبه :

روز كازان من غناء حسين الجسمي

قطفت لك من روض الخفوق ريحان
مع ساري النسمات حمّلت طيبه
قطايفن فيها شذى روز كازان
نقيتها لك من ربوعن خصيبه

تنقل سلامن به تحيات ولهان
مخلص بها حس المحب لحبيبه

يا جر قلبي جر مسحوب الألحان
جر الربابة ناوح الصوت أجيبه
عليك يا شاكي صواديف لمحان
نفسك من أحتوف المفارق تعيبه

هتف السحايب من محاجرك هتان
من مثقلات اغيوم وبلا سكيبه
منها غدابي جارف السيل طوفان
ساقتني لبحر المخاطر غبيبة
يا هيه أنا شرواك ع كف ميزان
حالن عجز عنه المداوي طبيبه

(زُحل) من غناء حسين الجسمي

زود رفيف فوادي …
لي شلي بنغام إِلها مثل
هيضني بالوكادي…
وجعَلي كيّن عوقه عمل

وفوقه عليّه زادي…
حمل الي اقصى حال الذهل
اتعب دونه جوادي …
وانشَلي صابة عضاه عطل

في ساحات المعادي …
اختلي بي ودعاني عزل
يا بدري المتبادي…
نور الي اسفرلي بالأمل
نوّر عليه بلادي …
عسى الي يبعد عني الملل
معاك يصبح عادي …
ياخلي لو بنسكن زُحَل

حامس البن من غناء عيضة المنهالي

آه يا من ضاقت انفاسه
والمشاعر فيه محبوسه
خوف لا تظهر لجلاسه
والعذول يدق ناقوسه

لي نظرته يا قوي باسه
لحظ عينه حارح ٍموسه
صاب قلبي لاسع ٍماسه
لحظتن في حضرة جلوسه

مثل بنن قام حماسه
يحمسه ويطيب ناموسه
مادرى بالبن واحساسه
ف الجمر ويعذبّه كوسه

صانعه ماحدد قياسه
التهى بالفكر هاجوسه
آه يا من هيّض احساسه
نظرتن بالشوق محسوسه

صباح الورد غناء منصور زايد

صباح الورد ياعمري صباح الشوق بآهديلك
رسالة حب من قلبي على نغمات جوالك

صباحُ عطره الكادي ودهن العود مني لك
هلا يامرحبا بآجمل صباحُ يا مرسالك

قبل تشرب من القهوه ونفح العود من طيبك
تصور لي رطب الاخلاص معاهُ صفة دلالك

يداعب صوتك احساسي وانا مغرم والبي لك
هلا باللي له الخفاق من العماق لبى لك

حبيبي من الغوالي خبر الدنيا من اسالبيك
عيوني خذتها وحدك وقلبي حسته لحالك

مثل ماقال قائدنا اه من تصاوبيك
تولع بالهوى والشوق وحب الشعب وهو مالك

كل صيف غناء حسين الجسمي

يدق الشوق في قلبي دفوف
تهيأ للسفر وقت المصيف
تزايد بين الأضلاع الرجوف
وانا من حر وجدي يالطيف

تهيضني من النسمة هفوف
شذى من جوّهم بارد لطيف
يزاحم خاطري شوق ٍ عصوف
و قلبي من العنا غادي رهيف

انا مشتاقة اعيوني تشوف
ملاك ٍ في خفوقي له وصيف
هويتك بهوى القلب الشغوف
مشاعر ود ما اعرف و كيف

تمر الناس في عيني ضيوف
ولا غيرك له الشان المنيف
اذا عين الغلا تبغي تشوف
نكحلها بشوفك كل صيف

الله خلق غناء ميحد حمد

يقول الله خلـــــق والله فرق
وعلم الله في سر مخلوقي

و اكيد ان البشر فيهم تفرق
ولي مثلك على طبعك يلوقي

قلوبن بعضها عن بعض تفرق
و غالي التبر في وصفه يفوقي

وكل اللي مضى ما عاد يفرق
شرا الاحلام ما منها وثوقي

تعذبني ,,وانا بك اترفق
تظن الحب تجريح و حروقي

حياةً ما بها الاخلاص ترهق
وش الله وازي القلب الصدوقي

عذولي بالغدر و الزيف وثق
و عقاب الله للظالم لحوقي

صحيح الله خلق والله فرق
كما فرق الصدوق من الملوقي

فنون الهوى ميحد حمد

خلك مع الي فؤادك بالغلا هاجه
والنفس مع غيرنا بالحب فرجها
افرح و خل الهوى تعلى بك ابراجه
وش ينبغى من حياةٍ ضاع منهجها

يا كم حولك لطرق الغدر رواجه
وانت حياتك تبا بالوهم روجها
لكن مثلي صعيبِ يحصل ادراجه
وش قصةِ لي تبا ذاليوم تخرجها

ما عاد في من يخون العهد محتاجه
وانت حياة التسلي لا تفارجها
عندك فنون الهوى سحره ومهراجه
وانا لي الله رب الكون يفرجها

اتريد تصعد على جنحان ميراجه
من قاعده لك فؤادي حط مدرجها
تترك فضانا و نور الشمس وهاجه
وانا احسب انك عيوني ما تفارجها

قوي طموحك و خوض البحر وامواجه
وخيول عزمك على مشهاتك اسرجها
وش عاد جوك اذا بيصفي اعجاجه
حبيبتك بالغلى والحب توجها

جرح القلب غناء ميحد حمد

لاغاب طيفك وجف الدمع من عيني
مات بفوادي الغلا اللي فالدم حسيته
خلاص ابعد دخيلك لاتشكيني
جرحت قلب تعلق بك وذليته

عشمتني بالوفى والحب والزيني
بوعدك اللي لنا مايوم وفيته
تدري وشاللي كسرته بالغدر فيني
سنين حبن من البنيان هديته

اوهام كانت دموعك يوم تغليني
ما انت الحبيب الذي بالقلب ضميته
لجا فيوم عيونك في نظر عيني
لاتسال الحظ وين الشوق خليته

ترد لي شيمة اهلي ماتخليني
اتبع دروبك ودرب العز دليته
بيجيك وقتن تذكرني وتبكيني
مايفيد دمعن على ماراح انهيته

شرع الحب غناء ميحد حمد

اه انا كم احاير في حبيبي التجني
شرعه بالحب جاير والعيون اخدعني
كان قلبي دياره وكنت اغلى اختياره
بس ياهي خساره في وعدوده فتني

ليس هالظلم كله جرح خلن لخله
سيف غدره يسله والطعون اجهدني
كيف الوم الليالي يوم صدقت غالي
شفت حبه مثالث للأسف خاب ظني

بس عندي كرامه وش يسوى غرامه
صعب يوصل مرامه ياخذ العقل مني
اه مكبر مصابي كيف يرضى بعذابي
كان ينوي ذهابي اشهد انه محني

انتو كفو غناء حسين الجسمي

لى صار خله لاتقول اش صار
و انتوا كفـو بالمعسره و الليني
وش عاد قلبي لو شعلته نار
و فجرت في صدري البراكيني

النفس عافت ملتقى الغدار
ما طاعت العزة تخليني
اليوم يومك والزمن دوار
اشرب بكاس ٍ منه تسقيني

دام المحبه بيننا تذكار
ما عاد تعنيكم ولا تعنيني
وان كان عندك معجبين كثار
كم في هوانا من مجانيني

عين المحبه تبيّح الاسرار
وانا فؤادي فضحته عيني
نظره عليها من حلا ما صار
لبيه يا نظره تناديني