إن هـويـتونا هـويـناكم
وبـنـتصبّر لــي جـفيتونا

مـا عـرفنا الياس ويّاكم
ويــن بـتـسيرون تـلقونا

مـستحيل إن كـان ننساكم
لــو تـقـصّدتوا تـهجرونا

نـهـجر الـدّنـيا بـليّاكم
دونـكم عـمري فلا ايكونا

نـرخص الـغالي إلـعيناكم
وكـل صـعب إلـكم يـهونا

فـي الصّحا والنوم ننصاكم
لا تـسدّوا الدّرب من دونا

وفـي الحشا والقلب سكناكم
امـشيّدات اقـصور وحصونا

نــور يـاضي مـن مـحيّاكم
مثل نور الصبح في الكونا

إنـفـردتوا فـي سـجاياكم
نـادرين الـحسن والـلّونا

لــو حـسبناها مـزاياكم
يـوصل الـتّعداد مـليونا

شـاف شـرع الـحب دعـواكم
والـهوى لـه شـرع مضمونا

عـادل لـو كـان يـدراكم
يـا الغضي لي دوم مزبونا

وان طـلـبتونا عـطيناكم
وبـا انزيّد إلكم أوزونا

لو أخذتوا الزود يفداكم
حـبّـنا مـتوازن اركـونا