|
سر ياقلم واكتب على
لوح قرطاس
|
|
واكتب سطورٍ كلها
اجلال وكبار
|
|
كنّه مطرّز حبرك
اللول والماس
|
ونفحة مدادك كنها
ورد وازهار
|
|
في مدح من هي كلها
عز نوماس
|
أم الشيوخ اللي لها
كل مقدار
|
|
اللي لها بقلوبهم
ساير الناس
|
محبةٍ فاضت بها
عيون وانهار
|
|
من طيبها فاحت بها
طيب الانفاس
|
من لطفها كنها
خزامه ونوّار
|
|
أفعالها عمّت
بلادين واجناس
|
وفرحوا بها حتى
شيابين وصغار
|
|
عدتي وعادت فرحة
الدار والناس
|
الفٍ هلا والفين
تكرار ومرار
|
|
فاطمه عسى الله
حافظ لْها وحرّاس
|
يالله يا عالم
مجاميع الاسرار
|
|
يالله تبقيها لنا
نور نبراس
|
الشيخه اللي كلها
در مدرار
|
|
اللي غلاها عندنا
فوق لقياس
|
من
دونها نرخص لها كل الاعمار
|
|
نحبها باخلاص من
كلا الاحساس
|
وندعي لها بالخير
في الليل وانهار
|
|
اللي جمايلها على
هامة الراس
|
كريمة الايدين يمين
ويسار
|
|
في ظل من هو ساعة
اللين والباس
|
|
شهمٍ ولد شهمٍ من
الناس الاخيار
|
|
زايد ابن سلطان
ومثبّت الساس
|
|
شيخ الشيوخ الوالد
الوافي البار
|
|
والختم صلوا ع
النبي هادي الناس
|
|
باعداد ما هلت
رشاريش الامطار
|
|
بدرية أحمد الخالدي
ـ دموع |
|
شيخه الدار |
|
لو قلت لك
هند والخنسا وعزّتها
|
|
ما بنصفك
يا فريدة عصرك ونوره
|
|
حرمه ولكن
على المريخ هامتها
|
وافعالها
للملا تشهد ومنظوره
|
|
كل
الإمارات نهتف لك سلامتها
|
عساك
يالغالية طَيْبَه ومسروره
|
|
يا شيخة
العز والشيمات عادتها
|
يا راسمه
في جبين الشمس لك صوره
|
|
شمس وخيوط
الأمل للكل مدتها
|
مادري ملاك
أو بشر أو انتي اسطوره
|
|
أم الشيوخ
الكريمه في سلالتها
|
ومنهم محمد
يزين المجد بحضوره
|
|
انتي بعيني
ترا تعدم مثيلتها
|
يا غالية
بالسلامه والف ماجوره
|
|
شِدَّه
وزالت عسى هذي نهايتها
|
والعافيه
لك قرينٍ مورد زهوره
|
|
والله
فرحنا بجيَّتها وشوفتها
|
الحمدلله
ونعمه مِنْه مشكوره
|
|
طابت
اماراتنا بوجود حضرتها
|
ومن مطلع
الشمس باقة حب منثوره
|
|
مطلع الشمس |
|
أم
الشيوخ |
|
قال الذي يختار في نظم
الاشعار
|
|
ويزكي المعنى بنفس زكيه
|
|
تبارك الرحمن علام
الاسرار
|
ربي عليم البينه والخفيه
|
|
ومن بعد ذكر الله باقول
واختار
|
مثايل مني تقدم هديه
|
|
وقصدي بها من في طريق
العدل سار
|
ام
الشيوخ ام الوطن والرعيه
|
|
للي مواقفها تقدر بمقدار
|
في
العلم والنهضه عن اخلاص
نيه
|
|
وطبع الوفا لاهل الوفا
تاج وشعار
|
والجود من جود النفوس
السخيه
|
|
ام
سعت للخير في كل مضمار
|
تبغى الوطن يحيا حياة
بهيه
|
|
ونعيش بارض بلادنا شعب
احرار
|
ما
نرتضي بالهينه والدنيه
|
|
في
ظل رايدنا حمى الدار
والجار
|
زعيم نادر والجذور عربيه
|
|
زايد حبيب الشعب محمود
الاذكار
|
اللي تميزه الفعول السنيه
|
|
وصدفه بلا ميعاد تنقاد
الاقدار
|
|
والله له نيه وللخلق نيه
|
|
يوم اختار اللي له يقع
لخيار
|
|
اختار من بين الصبايا
صفيه
|
|
وصاب الجدى والعدل والظن
ما بار
|
|
توفق القايد على حسن نيه
|
|
جواهر المحار في لج
الابحار
|
|
لكن من دونه امواج عتيه
|
|
ودانه غزر ما هيب من خشر
الاسفار
|
|
من
حظ زايد يعلها له هنيه
|
|
والختم صلى الله على سيد
الابرار
|
|
محمد الهادي رسوله نبيه
|
|
|
|
أحمد بن علي بن مصبح
الكندي المرر |
أم
الجميع |
|
ميروك يا
أم الشيوخ الميامين
|
|
ياللي لها
في الأوليه عوايد
|
|
لي تتذكر
دايم على الطاري الزين
|
وبجهودها
نالت بلادي فوايد
|
|
وسط
المحافل رددوا اسمها وين
|
وبافعالها
كل يمجد وشايد
|
|
ولاجل
الوطن وايضا لاجل نصرة الدين
|
وام اليتيم
وبانيه للمسايد
|
|
سناد
الضعيف وعون كل المساكين
|
وملجا لمن
دارت عليه الشدايد
|
|
ومن فعلها
بنت الامارات ذلحين
|
تخدم وطنها
والنتايج وكايد
|
|
وبدعمها
خاضت جميع الميادين
|
فعل على كل
المجالات رايد
|
|
ويا أمنا
منزلك في قرة العين
|
والدار
تلبس لاجل شوفك قلايد
|
|
واحنا
نفاخر بك جميع البلادين
|
لأن فعلك
بين الافعال مايد
|
|
ولو تنقسم
طيبتك بين الملايين
|
عمت وفاضت
وانثنى الخير وايد
|
|
ويا أم
الجميع عساك دايم تدومين
|
|
في خير
وفرحه وإنس وسعايد
|
|
في ظل زايد
سم كل المعادين
|
|
المجد وقف
وانحنى عند زايد
|
|
شيخ رعى
شعبه على العسر واللين
|
|
قايد ولا
مثله بهالكون قايد
|
|
والمدح في
وصف الكرام العزيزين
|
|
كلام أكبر
من جميع القصايد
|
|
وختامها
باقة ورورد ورياحين
|
|
للي لها في
الأوليه عوايد
|
|
|
|
حمدان سعيد
الراشدي |
حشمه ومقدار |
|
ارسل سلام
معطر بنفح الازهار
|
|
من خاطري
والطيب من فوع جنه
|
|
إعداد ما
تظهر لنا شمس الأنوار
|
نور يشع
وربنا مرسلنه
|
|
يا ( أم
محمد ) لك معزة ومقدار
|
وتقدير
وافي بالحنايا نكنه
|
|
لك عز دايم
في زمانك والاطوار
|
خير يعم
وربنا حافظنه
|
|
فضلك علينا
يا أمنا ليل ونهار
|
بوجودكم ما
نشكي م الوقت أنه
|
|
يا من
زرعتي الحب فينا والاكبار
|
تعطي
وتقديرك بلا أي منه
|
|
الله يديمك
يا ضيا العين والدار
|
ويدوم عز
ربنا كاتبنه
|
|
والختم
صلوا على النبي سيد الاخيار
|
رسول خير
للهدى باعثنه
|
|
|
|
فاضل سعيد
لوتاه |
|
